Kapitujt

Isaia: 12. Psalmi

¹ Atë ditë thuaj:

”Të falënderoj, o Zot,

se, megjithëse ishe zemëruar kundër meje,

u qetësua hidhërimi yt

e ti më ngushëllove.

² Ja, Hyji Shëlbuesi im,

kam besim e nuk kam frikë,

sepse fuqia ime e mburrja ime është Zoti,

Ai është shpëtimi im.”

³ Me galdim do të merrni ujë

nga burimet e shëlbimit.

⁴ Edhe thoni atë ditë:

“Falënderojeni Zotin, thirreni Emrin e tij,

shpallini ndër popuj veprat e tij,

kumtojeni madhërinë e Emrit të tij!

⁵ Këndojini Zotit, sepse krijoi mrekulli,

le ta marrë vesh bota mbarë!

⁶ Brohoritni e këndoni lavde, ju banorët e Sionit,

sepse i madhërishëm është në mesin tuaj

Shenjti i Izraelit!”

Kapitujt