Kapitujt

Jeremia: 47. Profeci kundër filistinëve

¹ Fjala e Zotit që i qe drejtuar profetit Jeremi kundër filistinëve para se faraoni ta pushtonte Gazën.

² Kështu thotë Zoti:

“Ja, po fryhen ujërat nga Veriu

porsi përroi kur ame del,

vërshojnë tokën e çka është mbi të,

qytetet e banorët e tyre!

Njerëzit të madhe do të gërthasin,

ulërijnë të gjithë banuesit e tokës

³ nga krisma e thundërzave të kuajve të tij të fortë,

nga rropama e karrocave të tij,

nga ushtima e rrotave të tij.

Etërit më për fëmijët e vet s’shikojnë,

duart e tyre pa fuqi kanë mbetur,

⁴ pse arriti dita e shfarosjes së të gjithë filistinëve,

kur Tirit e Sidonit do t’i zhduket

edhe më i sprasmi ndihmës:

po Zoti po i asgjëson filistinët,

tepricat e ujëdhesës Kaftor.

⁵ Rruar kokën e ka Gaza,

vër me gojë s’bën Askaloni!

Ju tepricat e enacimëve,

der’kur fytyrën do të gërvishtni?

⁶ Eheu, shpata e Tenzot,

deri kur nuk do të pushosh?

Kthehu në mill, pusho e hesht!

⁷ Si të pushojë kur Zoti e urdhëroi

të veprojë kundër Askalonit,

kundër brigjeve bregdetare,

aty Ai i shënoi cakun!

Kapitujt