Kapitujt

1 i Kronikave: 25. Këngëtarët

¹ Davidi me prijësit e ushtrisë i caktoi në shërbesë bijtë e Asafit, të Hemanit e të Iditunit të këndojnë me cetra, me harpa e me cimbale. Numri i këtyre njerëzve të ngarkuar po për këtë veprimtari ishte:

² Prej bijve të Asafit: Zakuri, Jozefi, Natania e Asarela, bijtë e Asafit nën drejtim të Asafit, i cili e udhëhiqte muzikën nën drejtimin e mbretit.

³ Prej bijve të Iditunit: Godolia, Soriu, Jesaia, Hasabia dhe Matatia, gjashtë, nën drejtimin e babait të tyre Iditunit, i cili i binte cetrës për ta lavdëruar e madhëruar Zotin.

⁴ Po edhe prej të Hemanit: bijtë e Hemanit: Bociau, Mataniau, Ozieli, Subueli, Jerimoti, Hanania, Hananiu, Eliata, Gedeltiu, Romemtiezeri, Jesbakasa, Meilotiu, Otiri e Mahazioti. ⁵ Të gjithë këta bijtë e Hemanit, vëguesit të mbretit lidhur me fjalën e Zotit. Zotynë për t’ia rritur pushtetin, i fali Hemanit katërmbëdhjetë djem e tri vajza.

⁶ Të gjithë këta nën drejtimin e babait të tyre këndonin në Tempullin e Zotit të përcjellë me zërin e cimbaleve, të harpës e të cetrës, në shërbim të Shtëpisë së Tenzot me urdhër të mbretit, nën drejtimin e Asafit, Iditunit e Hemanit.

⁷ Dhe ishin, së bashku me vëllezërit e tyre, këngëtarë të mësuar të këndojnë këngë në nder të Zotit, dyqind e tetëdhjetë e tetë, të gjithë mjeshtra të mirë. ⁸ Hodhën short për rendin që do të mbanin i vogël e i madh, mësues e nxënës.

⁹ Shorti i parë i ra Jozefit, që ishte i Asafaj. Shorti i dytë i ra Godolisë, vëllezërve të tij dhe bijve të tij: dymbëdhjetë. ¹⁰ I treti i ra Zahurit, bijve të tij dhe vëllezërve të tij: dymbëdhjetë. ¹¹ I katërti i ra Isariut, bijve të tij e vëllezërve të tij: dymbëdhjetë. ¹² I pesti i ra Natanisë, bijve dhe vëllezërve të tij: dymbëdhjetë. ¹³ I gjashti i ra Bokciaut, bijve e vëllezërve të tij, dymbëdhjetë. ¹⁴ I shtati i ra Izreelës, bijve dhe vëllezërve të tij, dymbëdhjetë. ¹⁵ I teti Jesaisë, bijve dhe vëllezërve të tij, dymbëdhjetë. ¹⁶ I nënti Matanisë, bijve e vëllezërve të tij, dymbëdhjetë. ¹⁷ I dhjeti Semejës, bijve dhe vëllezërve të tij, dymbëdhjetë. ¹⁸ I njëmbëdhjeti Azareelit, bijve e vëllezërve të tij, dymbëdhjetë. ¹⁹ I dymbëdhjeti Hasabisë, bijve e vëllezërve të tij, dymbëdhjetë. ²⁰ I trembëdhjeti i ra Subaelit, bijve e vëllezërve të tij, dymbëdhjetë. ²¹ I katërmbëdhjeti Matatisë, bijve e vëllezërve të tij, dymbëdhjetë. ²² I pesëmbëdhjeti Jerimotit, bijve e vëllezërve të tij, dymbëdhjetë. ²³ I gjashtëmbëdhjeti Hananisë, bijve e vëllezërve të tij, dymbëdhjetë. ²⁴ I shtatëmbëdhjeti Jezbakasës, bijve e vëllezërve të tij, dymbëdhjetë. ²⁵ I tetëmbëdhjeti Hananiut, bijve e vëllezërve të tij, dymbëdhjetë. ²⁶ i nëntëmbëdhjeti i ra Melotit, bijve dhe vëllezërve të tij, dymbëdhjetë. ²⁷ I njëzeti Eliatës, bijve dhe vëllezërve të tij, dymbëdhjetë. ²⁸ I njëzetenjëti i ra Otirit, bijve dhe vëllezërve të tij, dymbëdhjetë. ²⁹ I njëzetedyti i ra Gedeltiut, bijve dhe vëllezërve të tij, dymbëdhjetë. ³⁰ I njëzetetreti Mahaziotit, bijve e vëllezërve të tij, dymbëdhjetë. ³¹ I njëzetekatërti Romemtiezerit, bijve dhe vëllezërve të tij, dymbëdhjetë.

Kapitujt