Kapitujt

1 i Kronikave: 24. Rendet e priftërinjve

¹ Rendet e bijve të Aronit:

Bijtë e Aronit: Nadabi, Abiuhi, Eleazari e Itamari. ² Nadabi e Abiuhi vdiqën para babait të tyre dhe nuk lanë fëmijë. Priftërinj u bënë Eleazari e Itamari.

³ Davidi bashkë me Sadokun i ndau, njërin prej bijve të Eleazarit dhe me Akimelekun, njërin prej bijve të Itamarit, sipas rendevee shërbesës së tyre. ⁴ Dhe doli se për kah numri i meshkujve ishin shumë më shumë bijtë e Eleazarit se sa bijtë e Itamarit. Prandaj edhe formoi gjashtëmbëdhjetë rende prej bijve të Eleazarit me prijës dhe tetë rende prej bijve të Itamarit me prijës të familjeve e të shtëpive. ⁵ E i ndau të dy familjet me short: sepse duhej të ishin prijës të Shenjtërores e prijës të Hyjit qoftë prej bijve të Eleazarit qoftë prej bijve të Itamarit. ⁶ Njëri prej levitëve, shkruesi Semeja, biri i Natanaelit, i regjistroi para mbretit, para prijësve, para Sadokut prift, para Akimelekut, birit të Abiatarit dhe para prijësve të familjeve priftërore e levitike: një familje prej Eleazarit dhe një familje prej Itamarit.

⁷ Shorti i parë i ra Jojaribit, shorti i dytë Jedejës, ⁸ i treti Harimit, i katërti Seorimit, ⁹ i pesti Melkisë, i gjashti Maimanit, ¹⁰ i shtati Akosit, i teti Abisë, ¹¹ i nënti Jezuait, i dhjeti Sekenisë, ¹² i njëmbëdhjeti Eliasibit, i dymbëdhjeti Jacimit, ¹³ i trembëdhjeti Hopfës, i katërmbëdhjeti Isbaabit, ¹⁴ i pesëmbëdhjeti Belgës, i gjashtëmbëdhjeti Emerit, ¹⁵ i shtatëmbëdhjeti Hezirit, i tetëmbëdhjeti Afsesit, ¹⁶ i nëntëmbëdhjeti Fetahisë, i njëzeti Hezekielit, ¹⁷ i njëzetenjëti Jakinit, i njëzetedyti Gamulit, ¹⁸ i njëzetetreti Dalajahut, i njëzetekatërti Maaziahut.

¹⁹ Këto ishin ndërresat e tyre sipas shërbesave për të hyrë në Shtëpinë e Zotit; hynin sipas ritit të vet nën drejtimin e Aronit, atit të tyre, siç ka urdhëruar Zoti, Hyji i Izraelit.

²⁰ Lidhur me të tjerët bijtë e Levit:

Prej bijve të Amramit: Subaeli. Prej bijve të Subaelit: Jehedeja. ²¹ Prej bijve të Rohobisë: prijësi Jesia. ²² Prej Isaaritëve: Salomoti. Prej bijve të Salomotit: Jahati. ²³ Prej Hebronajve: Jeriahu, Amaria i dyti, Jahazieli i treti, Jekmaami i katërti. ²⁴ I biri i Ozielit: Mika. Prej bijve të Mikës: Samiri. ²⁵ I vëllai i Mikës: Jesiai. Prej bijve të Jesiajit: Zaharia. ²⁶ Bijtë e Merariut: Moholi e Musiu. Bijtë e tij: Jaziahu e Baniu. ²⁷ Biri i Merariut: prej Jaziahut, të birit të tij: Soami, Zakhuri e Hebriu. ²⁸ Prej Moholit, biri Eleazari që nuk kishte fëmijë. ²⁹ Biri i Cisit: Jerameeli. ³⁰ Bijtë e Musiut: Moholi, Ederi dhe Jerimoti.

Këta janë bijtë e Levit sipas barqeve të tyre.

³¹ Edhe këta hodhën short porsi vëllezërit e tyre, bijtë e Aronit, në praninë e mbretit David, të Sadokut e të Akimelekut dhe të prijësve të familjeve priftërore e levitike: qoftë të mëdhatë qoftë të voglat: të gjitha në mënyrë të barabartë u ndanë me short.

Kapitujt