Kapitujt

1 i Kronikave: 7. Isahari

¹ Bijtë e Isaharit: Tola, Fuai, Jasubi e Samaroni: katër.

² Bijtë e Tolës: Oziu, Rafajai, Jerijeli, Jemaji, Jebsemi e Samueli: prijësit e familjeve të Tolës, trima të vlefshëm. Në regjistrimin në kohën e Davidit numri i tyre ishte njëzet e dy mijë e gjashtëqind, sipas breznive të tyre.

³ Bijtë Oziut: Izrahia, prej të cilit lindën: Mikaeli, Obadia, Joeli, Jesia, pesë, të gjithë prijës. ⁴ Sipas regjistrimit të kryer sipas familjeve, kishin tridhjetë e gjashtë mijë vetë në trupat e tyre të armatosura për luftë, sepse kishin shumë gra e fëmijë. ⁵ Vëllezërit e tyre ndër të gjitha vëllazëritë e Isaharit numëroheshin burra të fortë për luftë tetëdhjetë e shtatë mijë.

Beniamini

⁶ Bijtë e Beniaminit: Bela, Bohori e Jadiheli, tre.

⁷ Bijtë e Belës: Esboni, Oziu, Ozieli, Jerimoti e Uraji, pesë prijës të familjeve dhe trima shumë të fortë për luftë. Ishin të regjistruar njëzet e dy mijë e tridhjetë e katër.

⁸ Bijtë e Bohorit: Zamira, Joasi, Eliezeri, Elioenaji, Amriu, Jerimoti, Abia, Anatoti dhe Almati: të gjithë bijtë e Bohorit. ⁹ Në regjistrimin e pjesëtarëve të këtyre prijësve të familjeve ishin: njëzet mijë e dyqind trima të fortë për luftë.

¹⁰ Bijtë e Jadihelit: Balani. Bijtë e Balanit: Jehusi, Beniamini, Aodi, Kanana, Zetani, Tarsisi dhe Ahisahari. ¹¹ Të gjithë këta ishin bijtë e Jadihelit, prijës të vëllazërive të veta, shtatëmbëdhjetë mijë e dyqind burra shumë të fortë për luftë, të gjithë të aftë për të luftuar.

¹² Ishin edhe Sufami e Hufami, bijtë e Hirit; Hasimi biri i Aherit.

Neftaliu

¹³ Bijtë e Neftaliut: Jasieli, Guniu, Jeseri e Selumi. Bij të Bilhës.

Manaseu

¹⁴ Biri i Manaseut: Esrieli. Këtë ia lindi konkubina e tij siriane. Kjo i lindi edhe Mahirin, babain e Galaadit. ¹⁵ Mahiri mori grua prej Hufamit e Sufamit. E kishte edhe motrën që quhej Maakë. Emri i djalit të dytë ishte Salfaad. Salfaadit i lindën vajza.

¹⁶ Gruaja e Mahirit, Maaka, lindi djalë, të cilin e quajti Fares, kurse vëllai i tij quhej Sares ndërsa djemtë e këtij quheshin: Ulam e Recem.

¹⁷ Biri i Ulamit: Badani. Këta janë bijtë e Galaadit, të birit të Mahirit, të birit të Manaseut. ¹⁸ Motra e tij Amalekteti i lindi Isodin, Abiezerin e Moholën.

¹⁹ Kurse bijtë e Semidës ishin: Ahini, Sekemi, Leciu e Aniami.

Efraimi

²⁰ Bijtë e Efraimit: Sutala, Baredi biri i tij, Tahati biri i tij, Elada biri i tij, Tahati biri i tij, ²¹ biri i këtij Zabadi, biri i këtij Sutala, biri i këtij Ezeri e Eladi. Këta i vranë njerëzit vendas të Getit, sepse patën zbritur për t’ua pushtuar pronat. ²² Këndej edhe babai i tyre Efraimi mbajti zi gjatë për ta ndërsa vëllezërit i vinin për ta ngushëlluar. ²³ Efraimi hyri te gruaja e vet e kjo ngjizi dhe e lindi djalin të cilin e quajti Berijë, sepse lindi në mjerimin e familjes së tij.

²⁴ Vajza e tij ishte Sara. Kjo e ndërtoi Betoronin e Poshtëm e të Sipërm dhe Ozensarën. ²⁵ Pastaj djali i tij Rafa e Resefi, dhe Taleu, biri i tij, prej të cilit lindi Taani, ²⁶ të cilit i lindi Laadani. Po edhe djalit të këtij Amiudit i lindi Elisama, ²⁷ prej të cilit lindi Nuni, që e pati djalë Jozuehun.

²⁸ Prona dhe vendbanimet e tyre ishin: Beteli me pjesët përkatëse të tija, në lindje Norani, në anën e perëndimit Gazeri me pjesët përkatëse, po ashtu edhe Sikemi me pjesët përkatëse deri tek Haji me pjesët përkatëse. ²⁹ Ishin edhe prona të bijve të Manaseut: Betsani me pjesët përkatëse, Tanaku me pjesët përkatëse, Magedoja me pjesët përkatëse, Dori me pjesët përkatëse. Në këto vende jetonin bijtë e Jozefit të birit të Izraelit.

Aseri

³⁰ Bijtë e Aserit: Jemna, Jesua, Isuji e Beria dhe motra e tyre Sara.

³¹ Bijtë e Berisë: Heberi e Melkieli që është baba i Barzaitit.

³² Heberit i lindën: Jeflati, Someri, Hotami dhe Suaja, motra e tyre.

³³ Bijtë e Jeflatit: Foseku, Bamaali e Asoti: këta ishin bijtë e Jeflatit.

³⁴ Kurse bijtë e vëllait të tij, Somerit ishin: Roaga, Haba, Arami.

³⁵ Bijtë e Hotamit, të vëllait: Sufa, Jemna, Selesi e Amali.

³⁶ Bijtë e Sufës: Suehi, Harnaferi, Suali, Beriu, Jamra, ³⁷ Bosori, Odi, Sama, Salusa, Jetrani dhe Beera.

³⁸ Bijtë e Jeterit: Jefoneu, Fasfa, e Ara.

³⁹ E bijtë e Olës: Areeu, Hanieli e Resia.

⁴⁰ Të gjithë këta ishin bijtë e Aserit, prijës të familjeve, burra të zgjedhur e të fortë, krerë mes princërve. Numri i atyre që ishin të shkruar në ushtri për të luftuar ishte njëzet e gjashtë mijë vetë.

Kapitujt