Kapitujt

1 i Kronikave: 4. Juda. Sobali

¹ Bijtë e Judës: Faresi, Hesroni, Karmiu, Huri, Sobali. ² Reaja, biri i Sobalit, pati djalë Jahatin, prej të cilit lindën Ahumaji e Laadi: këto janë vëllazëritë e saraitëve.

Huri

³ Këta janë pasardhësit e Etamit: Jezraheli, Jesema, Jedebosi. Motra e tyre quhej Asalelfuni. ⁴ Fanueli qe baba i Gedorit, kurse Ezeri baba i Hosës. Këta janë bijtë e Hurit, të parëlindurit të Efratës, babait të Betlehemit.

Askuri

⁵ Askuri, babai i Tekuesë, kishte dy gra: Halanë e Naarën. ⁶ Prej Naarës i lindën Oozami, Heferi, Temaniu dhe Ahastariu: këta janë bijtë e Naarës. ⁷ Kurse bijtë e Halasë: Sereti, Saari e Etnani.

⁸ Kosit i lindën Anobi, Soboba dhe familjet e Aharehelit, të birit të Arumit. ⁹ Jabesi ishte më i spikaturi ndër vëllezërit e vet dhe nëna e tij ia ngjiti emrin Jabes sepse thoshte: “E linda me dhimbje”. ¹⁰ Jabesi e thirri në ndihmë Hyjin e Izraelit: “Nëse vërtetë do të më bekosh, atëherë zgjeroji kufinjtë e mi, mbaje dorën tënde me mua dhe bëj të mos më ndrydhë e keqja.” Hyji i dha çka Jabesi i kërkoi.

Kalebi

¹¹ Kalebi, vëllai i Suasë, pati djalë Mahirin, që qe trungu i Estonit. ¹² Estonit i lindën Betrafa, Feseu e Tehinai, babai i Irnaasit /d. t. th. i qytetit Naas/: këta janë njerëzit e Rekës.

¹³ Bijtë e Cenezit: Otonieli e Saraja. Bijtë e Otonielit: Hatati e Maonatiu. ¹⁴ Maonatiut i lindi Ofra; Sarajës i lindi Joabi, babai i geharasve /d. t. th. Lugina e Mjeshtrave/: sepse këtu ishin mjeshtra.

¹⁵ Bijtë e Kalebit, të birit të Jefoneut: Hiri, Ela, Nahami. Biri i Elës: Cenezi. ¹⁶ Bijtë e Jaleleelit: Zifi, Zifa, Thiria dhe Asraeli. ¹⁷ Bijtë e Ezrës: Jeteri, Meredi, Eferi e Jaloni. Jeterit i lindën Mariami, Samaji, Jezba, babai e Estemit. ^18a Këta janë bijtë e Betisë, të bijës së faraonit që e mori për grua Meredi: ^18b lindi Jaredin, babain e Gedorit, Heberin, babain e Sokos dhe Ikutielin, babain e Zamnoesë.

¹⁹ Bijtë e gruas së tij nga Judeja, të motrës së Nahamit, babait të Ceilës: Dalaja e Simoni, babai i Jomanit. Bijtë e Nahamit, babait të Ceilës Garmit dhe të Estemit Makatit. ²⁰ Bijtë e Simonit: Amoni, Rina, Banhanani, Tiloni. Bijtë e Jesiut: Zoheti e Benzoheti.

Sela

²¹ Bijtë e Selës, të birit të Judës: Heri, babai i Lehës dhe Laada, babai i Maresës, si dhe vëllazëritë e shtëpisë që punonin pëlhura në Betsabé, ²² Jokimi dhe njerëzit e Kozebës, Joasi e Sarafi, që ishin princa në Moab e u kthyen në Betlehem: por është fjala për ngjarje të hershme. ²³ Këta janë poçarët që banonin në Nataim e në Gaderë te mbreti dhe punonin për të e banonin aty.

Simoni

²⁴ Bijtë e Simonit: Namueli, Jamini, Jaribi, Zara, Sauli. ²⁵ Djali i Saulit ishte Selumi, Mabsami ishte djali i këtij, kurse Masma ishte djali i këtij. ²⁶ Djemtë e Masmës: Hamueli dhe biri i tij, Zahuri dhe biri i tij, Semeji. ²⁷ Semeji kishte gjashtëmbëdhjetë djem e gjashtë vajza. Vëllezërit e tij nuk patën shumë djem dhe të gjitha familjet e tyre së bashku nuk kishin aq sa kishte Juda. ²⁸ Banonin në Betsabé, në Moladë, në Hasarsuhal, ²⁹ në Bilhë, në Asom, në Tolad, ³⁰ në Batuel, në Hormë, në Siceleg ³¹ në Betmarhabot, në Asarsusim, në Betberaj dhe në Saarim: këto ishin qytetet e tyre deri në kohën e mbretit David. ³² Kurse fshatrat e tyre ishin: Etami, Aeni, Remoni, Toheni, Asani: pesë qytete. ³³ Edhe të gjitha vendbanimet që ishin përreth këtyre qyteteve deri në Baal. Këto ishin vendbanimet e tyre dhe pema e brezave të tyre.

³⁴ Masobabi, Jemlehu e Josa, biri i Amasisë, ³⁵ Joeli, Jehui, biri i Jozabisë, të birit të Sarajës, të birit të Asielit; ³⁶ Elioenaji, Jakoba, Isuhaja, Asaja, Adieli, Isimieli, Banaja, ³⁷ Ziza, biri i Sefejit, të birit të Alonit, të birit të Jedajës, të birit të Semriut, të birit të Samajës: ³⁸ këta që u përmendën ishin prijësit të vëllazërive të veta. Familjet e tyre u shtuan shpejt ³⁹ dhe shkuan në hyrje të Gadorit deri në lindje të luginës për të kërkuar kullota për grigjat e veta. ⁴⁰ Atje gjetën kullota të begatshme dhe shumë të mira, vend shumë të gjerë, të qetë e pjellorë, në të cilin më parë kishin banuar pasardhësit e Kamit. ⁴¹ Simonajt, që ishin të shkruar emër për emër në kohën e Ezekisë, mbretit të Judës, erdhën dhe u ranë çadrave të tyre, i shkretuan, i vranë dhe i zhdukën Maonitët të cilët i gjetën aty dhe vendin e tyre e banuan deri në ditët e sotme, sepse aty gjetën kullota të pasura.

⁴² Disa prej bijve të Simonit, pesëqind burra, shkuan në bjeshkët Seir: Për prijës kishin Faltinë, Naarinë, Rafajën e Ozielin, bijtë e Jesiut. ⁴³ I vranë amalekasit që kishin mundur të shpëtonin dhe u ngulitën me banesa deri në ditët e sotme.

Kapitujt