Kapitujt

Zanafilla: 36. Gratë dhe bijtë e Ezaut në Kanaan

¹ Këta janë pasardhësit e Ezaut, që quhet edhe Edom.

² Ezau u martua me bijat e kanaanëve: me Adën, bijën e Elon Heteut e me Oolibamën, bijën e Anës, birit të Sebeon Horreut.

³ Mori për grua edhe Bazematën, bijën e Ismaelit, motrën e Nabajotit. ⁴ Prej Adës i lindi Elifazi, kurse Bazemata i lindi Rahuelin. ⁵ Oolibama i lindi Jehuzin, Jalamin dhe Koreun.

Këta janë bijtë e Ezaut që i lindën në Kanaan.

Shpërngulja e Ezaut

⁶ Atëherë Ezau i mori gratë e veta, bijtë e bijat, të gjithë njerëzit e vet, bagëtitë e imëta e të trasha dhe gjithçka kishte fituar në dheun e Kanaanit dhe shkoi në dheun e Seirit, që të jetë larg prej vëllait të vet Jakobit. ⁷ Njëmend ishin bërë shumë të pasur dhe nuk mund të banonin më së bashku, sepse nuk i zinte vendi ku banonin për shkak se kishin shumicë të madhe grigjash.

⁸ Ezau nguli të banojë në malin Seir. Ezau është Edomi.

Pasardhësit e Ezaut në Seir

⁹ Këta janë pasardhësit e Ezaut, trungut themelues të Edomit në malin Seir. ¹⁰ Ja, emrat e bijve të tij: Elifazi, biri i Adës, gruas së Ezaut, Rahueli, biri i Bazematës, gruas së tij.

¹¹ Elifazi pati këta djem: Temanin, Omarin, Sefon, Gatamin dhe Cenezin. ¹² Elifazi, djali i Ezaut, kishte konkubinë Tamnën, prej së cilës i lindi Amaleku. Këta janë bijtë e Adës, gruas së Ezaut.

¹³ Bijtë e Rahuelit janë: Nahati, Zarai, Samai e Mezai. Këta janë bijtë e Bazematës, gruas së Ezaut.

¹⁴ Këta ishin bijtë e Oolibamës, bijës së Anës, birit të Sebeonit, gruas së Ezaut, që ia lindi ajo: Jehuzi, Jalami dhe Koreu.

Trungjet themelues të Edomit

¹⁵ Këta janë prijësit e bijve të Ezaut: bijtë e Elifazit, të të parëlindurit të Ezaut: prijësi Teman, prijësi Omar, prijësi Sefo, prijësi Cenez, ¹⁶ prijësi Kore, prijësi Gatam, prijësi Amalek. Këta janë prijësit e Elifazit në dheun e Edomit. Janë bijtë e Adës.

¹⁷ Këta janë bijtë e Rahuelit, birit të Ezaut: prijësi Nahat, prijësi Zara, prijësi Sama, prijësi Meza. Këta janë prijësit e Rahuelit në dheun e Edomit. Janë bijtë e Bazematës, gruas së Ezaut.

¹⁸ Këta janë bijtë e Oolibamës, gruas së Ezaut: prijësi Jehus, prijësi Jalam, prijësi Kore. Janë prijësit e Oolibamës, të bijës së Anës, gruas së Ezaut.

¹⁹ Këta janë bijtë e Ezaut dhe këta prijësit e tyre. Ezau është Edomi.

Pasardhësit e Seirit Horre

²⁰ Këta janë bijtë e Seirit Horre që banojnë vendin: Lotani, Sobali, Sebeoni, Ana, ²¹ Dizoni, Eseri dhe Disani. Këta janë prijësit horrenj, bijtë e Seirit në dheun e Edomit. ²² Bijtë e Lotanit qenë: Horiu e Hemani. Tamna ishte motra e Lotanit.

²³ Këta janë bijtë e Sobalit: Alvani, Manahati, Ebali, Sefoja dhe Onami. ²⁴ Këta janë bijtë e Sebeonit: Ajai dhe Ana. Ky është Ana që i gjeti burimet e nxehta në shkretëtirë, kur po i kulloste gomarët e Sebeonit, t’et. ²⁵ Pati djalë Dizonin dhe vajzë Oolibamën. ²⁶ Këta janë bijtë e Dizonit: Hemdani, Ezebani, Jetrani dhe Harrani. ²⁷ Këta janë bijtë e Ezerit: Bilhani, Zavani e Jakani. ²⁸ Kurse Dizani pati këta djem: Uzin dhe Aranin.

²⁹ Këta janë prijësit e horrenjve: prijesi Lotan, prijësi Sobal, prijësi Sebeon, prijësi Ana, ³⁰ prijësi Dizon, prijësi Eser, prijësi Dizan. Këta janë prijësit e horrenjve sipas fiseve të tyre në dheun e Seirit.

Mbretërit e Edomit

³¹ Mbretërit që sunduan në dheun e Edomit, para se izraelitët të kenë mbretin, qenë këta: ³² Në Edom mbretëroi Belai, biri i Beorit. Emri i qytetit të tij ishte Denabë. ³³ Vdiq Belai dhe në vend të tij sundoi Jobabi, i biri i Zarës prej Bosrës. ³⁴ Kur vdiq Jobabi, në vend të tij sundoi Husami i dheut të Temanajve. ³⁵ Kur vdiq edhe ky, në vend të tij sundoi Adadi, biri i Badadit, që e theu Madianin në fushimin e Moabit. Qyteti i tij quhej Avit. ³⁶ Pasi vdiq Adadi, në vend të tij sundoi Semlai prej Masrekës. ³⁷ Pasi vdiq edhe ky, në vend të tij sundoi Sauli prej Robohotit përbri lumit. ³⁸ Pasi vdiq edhe ky, në fron e trashëgoi Baalhanani, biri i Ahoborit. ³⁹ Pasi vdiq edhe ky, në vend të tij sundoi Adadi. Qyteti i tij quhej Fau. Gruaja e tij quhej Meetabelë. Ishte bija e Matredës, bijës së Mezaabit.

Edhe një herë për trungjet themelues të Edomit

⁴⁰ Këta janë emrat e prijësve të Ezaut sipas fiseve, vendeve dhe emërtimeve të tyre: prijësi Tamna, prijësi Alva, prijësi Jeteti, ⁴¹ prijësi Oolibama, prijësi Ela, prijësi Finon, ⁴² prijësi Cenez, prijësi Teman, prijësi Mabsar, ⁴³ prijësi Magdiel, prijësi Iram.

Këta janë trungjet themelues të Edomit sipas vendbanimit në dheun që ai e kishte pronë. Ky është Ezau, trungu themelues i idumenjve.

Kapitujt