Kapitujt

Zanafilla: 5. Patriarkët para përmbytjes

¹ Ky është libri i breznive të Adamit. Kur Hyji e krijoi njeriun, e krijoi në përngjasimin e Hyjit. ² E krijoi njërin mashkull, kurse tjetrin femër dhe i bekoi. Ditën kur qenë krijuar ua dha emrin “Njeri”.

³ Adami kishte njëqind e tridhjetë vjet kur i lindi djali që i përngjante krejt atij me fytyrë ‑ të cilin e quajti Set. ⁴ Adami, pasi i lindi Seti, jetoi tetëqind vjet dhe i lindën edhe djem e vajza. ⁵ Adami jetoi nëntëqind e tridhjetë vjet e atëherë vdiq.

⁶ Po edhe Seti jetoi njëqind e pesë vjet dhe i lindi Enosi. ⁷ Seti, pasi i lindi Enosi, jetoi edhe tetëqind e shtatë vjet dhe i lindën bij dhe bija. ⁸ E tërë jeta e Setit kapi nëntëqind e dymbëdhjetë vjet kur edhe vdiq.

⁹ Kurse Enosi jetoi nëntëdhjetë vjet dhe i lindi Kainani. ¹⁰ Enosi jetoi, pasi i lindi Kainani, tetëqind e pesëmbëdhjetë vjet dhe i lindën bij e bija. ¹¹ E tërë jeta e Enosit kapi nëntëqind e pesë vjet kur edhe vdiq.

¹² Po edhe Kainani jetoi shtatëdhjetë vjet dhe i lindi Malaleeli. ¹³ Edhe Kainani jetoi pasi i lindi Malaleeli, tetëqind e dyzet vjet dhe i lindën bij dhe bija. ¹⁴ E tërë jeta e Kainanit arrin në nëntëqind e dhjetë vjet kur edhe vdiq.

¹⁵ Po edhe Malaleeli jetoi gjashtëdhjetë e pesë vjet dhe i lindi Jaredi. ¹⁶ Po edhe Malaleeli jetoi pasi i lindi Jaredi tetëqind e tridhjetë vjet dhe i lindën bij dhe bija. ¹⁷ E tërë jeta e Malaleelit kapi tetëqind e nëntëdhjetë e pesë vjet kur edhe vdiq.

¹⁸ Jaredi jetoi njëqind e gjashtëdhjetë e dy vjet dhe i lindi Henoku. ¹⁹ Jaredi jetoi, pasi i lindi Henoku, tetëqind vjet dhe i lindën bij e bija. ²⁰ E tërë jeta e Jaredit kap në nëntëqind e gjashtëdhjetë e dy vjet kur edhe vdiq.

²¹ Kur Henoku kishte gjashtëdhjetë e pesë vjet i lindi Matusala. ²² Henoku jetoi treqind vjet udhës së Hyjit, pasi i lindi Matusala, e i lindën bij e bija. ²³ E tërë jeta e Henokut kapi treqind e gjashtëdhjetë e pesë vjet.

²⁴ Henoku jetoi udhës së Hyjit dhe u zhduk, sepse e mori Hyji.

²⁵ Kur Matusala kishte njëqind e tetëdhjetë e shtatë vjet i lindi Lameku. ²⁶ Matusala jetoi, pasi i lindi Lameku, edhe shtatëqind e tetëdhjetë e dy vjet dhe i lindën bij e bija. ²⁷ E tërë jeta e Matusalës arriti në nëntëqind e gjashtëdhjetë e nëntë vjet kur edhe vdiq.

²⁸ Kur Lameku u bë njëqind e tetëdhjetë e dy vjeç, i lindi djali, ²⁹ të cilin e quajti Noeh. E tha: “Ky do të na ngushëllojë në mundin tonë dhe në punën e duarve tona në fushë, të cilën Zoti e mallkoi”. ³⁰ Lameku jetoi, pasi i lindi Noehi, edhe pesëqind e nëntëdhjetë e pesë vjet dhe i lindën bij e bija. ³¹ E tërë jeta e Lamekut kapi shtatëqind e shtatëdhjetë e shtatë vjet kur edhe vdiq.

³² Noehi kishte pesëqind vjet kur i lindën Semi, Kami e Jafeti.

Kapitujt