Kapitujt

Numrat: 10. Trumbetat

¹ Zoti foli me Moisiun e tha: 

² “Urdhëro të të punohen dy trumbeta prej argjendi të farkuar. Ato do të shërbejnë për të grishur bashkësinë e për të bërë çojën e zemërimiës. ³ Kur t’i biesh të dyjave, le të bashkohet te ti mbarë bashkësia para derës së Banesës së takimit. ⁴ Nëse do t’i biesh njërës, le të mblidhen te ti prijësit dhe krerët e bashkësisë së Izraelit. ⁵ Por nëse trumbetimi bëhet më i gjatë dhe përcillet me brohoritje, le të çojnë prej zemërimiës të parët ata që janë në anën e lindjes. ⁶ Në trumbetimin e dytë po ashtu të përcjellë me brohoritje lufte, le të çojnë prej zemërimiës ata që kanë ngulur në anën e mesditës: le të përcillet trumbetimi me brohoritje lufte që ata të nisen për rrugë. ⁷ Kur të duhet të mblidhet populli, trumbetimi të jetë i thjeshtë, pa brohoritje. ⁸ Trumbetave le t’i bien priftërinjtë, bijtë e Aronit. Kjo le të jetë rregullore e përhershme në breznitë tuaja.

⁹ Nëse do të dilni në luftë në tokën tuaj kundër armikut që lufton kundër jush bini trumbetave me brohoritje; kjo do t’ju përkuj‑ tojë para Zotit Hyjit tuaj që t’ju shpëtojë prej duarve të armiqve tuaj.

¹⁰ Po edhe kur të keni ditë gëzimi, të kremte, hënën e re bini trumbetave për t’i përcjellë flitë e shkrumbimit, flitë e pajtimit, që t’ju kujtojnë para Hyjit tuaj. Unë jamë Zoti, Hyji juaj”.

Urdhri i çojës

¹¹ Të dytin vit, në të dytin muaj, të njëzetën ditë të muajit, u ngrit reja prej Banesës së Dëshmisë. ¹² Bijtë e Izraelit u nisën prej shkretëtirës së Sinait sipas rendit të çojës së tyre. Dhe reja zuri vend në shkretëtirën e Faranit.

¹³ Kështu në urdhrin e Zotit të dhënë me anën e Moisiut, izraelitët çuan nga zemërimia për herë të parë. ¹⁴ U ngrit i pari flamuri i llogorit të bijve të Judës, sipas togave të veta. Prijësi i tyre ishte Nahasoni i Aminadabit. ¹⁵ Në krye të togave të bijve të Isaharit ishte prijës Natanaeli i Suarit. ¹⁶ Në krye të togave të bijve të fisit të Zabulonit ishte prijës Eliabi i Helonit.

¹⁷ Qe shkrehur edhe Banesa dhe dolën për ta mbartur bijtë e Gersonit dhe të Merariut.

¹⁸ U nis edhe flamuri i zemërimiës së bijve të Rubenit sipas togave të veta dhe në krye të njësisë ishte prijës Elisuri i Sedeurit. ¹⁹ Në krye të togave të bijve të Simonit ishte prijës Salamieli i Surisadait. ²⁰ Kurse në krye të togave të fisit të Gadit, ishte prijës Eliasafi i Deuelit.

²¹ U nisën edhe Kaatajt duke mbartur Shenjtëroren. Levitët e tjerë e ngrehën Banesën para se këta të arrinin.

²² U ngrit edhe flamuri i zemërimiës së bijve të Efraimit sipas togave të tyre. Në krye të ushtrisë së tyre ishte prijës Elisamai i Amiudit. ²³ Në krye të togave të fisit të bijve të Manaseut ishte prijës Gamalieli i Fadasurit. ²⁴ Në krye të njësive të fisit të bijve të Beniaminit ishte prijës Abidani i Gjedeonit.

²⁵ Më së fundi u ngrit flamuri i zemërimiës së bijve të Danit sipas togave të saja. Në ushtrinë e tyre ishte prijës Ahiezeri i Amisadait. ²⁶ Në krye të njësisë së fisit të bijve të Aserit ishte prijës Fegieli i Okranit. ²⁷ Në krye të njësisë së fisit të bijve të Neftaliut ishte prijës Ahirai i Enanit.

²⁸ Ky është rendi i udhëtimit të bijve të Izraelit sipas njësive të tyre kur bënin çojën.

Parashtrimi i Moisiut Hobabit

²⁹ Moisiu i tha Hobabit, birit të vjehrrit të vet, të Raguelit prej Madianit: “Ne po nisemi për vendin që Zoti do të na e japë. Eja me ne e do të bëjmë pjesëtar të të mirave që Zoti ia ka premtuar Izraelit”. ³⁰ Por ai iu përgjigj: “Nuk po vij me ty, por do të kthehem në vendin tim ku kam lindur”. ³¹ Moisiu shtoi: “Mos na lër, sepse ti di në cilat vende nëpër shkretëtirë na duhet të ngulim zemërimiën e do të na gjendesh në ndihmë si prijës. ³² Nëse vjen me ne, ç’të jetë më e mirë ndër ato që Zoti do të na i japë neve, do të bëjmë pjesëtar edhe ty”.

Çoja

³³ Kështu u nisën prej malit të Zotit dhe bënë tri ditë udhë. Arka e besëlidhjes udhëtonte para tyre për tri ditë për t’u gjetur vendin e zemërimiimit. ³⁴ Edhe reja e Zotit ishte përmbi ta gjatë ditës ndërsa po bënin udhë.

³⁵ Kur nisej Arka, Moisiu thoshte:

“Ngritu, o Zot,

e le të shpërndahen armiqtë e tu!

Le të vihen në të ikur ata që të urrejnë ty”!

³⁶ Ndërsa kur ajo ndalej, thoshte:

“Kthehu, o Zot,

në mes të ushtrisë së panumërt të Izraelit”!

Kapitujt