Kapitujt

Numrat: 12. Maria e Aroni kundër Moisiut

¹ Atëherë folën Maria e Aroni kundër Moisiut për shkak të gruas etiopase me të cilën ishte martuar ² dhe thanë: “A thua Zoti ka folur vetëm me Moisiun? Po a nuk ka folur, po ashtu, edhe me ne”? Kur Zoti e dëgjoi këtë gjë ³ ‑ e Moisiu ishte njeri tejet i përvuajtur, më i përvujti ndër njerëz që banojnë përmbi tokë.

Përgjigjja e Zotit

⁴ Dhe foli menjëherë me të, me Aronin e me Marinë; tha: “Ejani vetëm ju të tre në Tendën e takimit”.

Kur shkuan, ⁵ Zoti zbriti në shtyllën e resë dhe qëndroi në hyrje të Tendës. I thirri Aronin e Marinë. Kur këta shkuan, ⁶ u tha:

“Dëgjojini fjalët e mia!

Nëse është ndër ju ndonjë profet i Zotit,

unë atij do t’i dëftohem në vëgim

ose do t’i flasë në ëndërr.

⁷ Porse i tillë nuk është shërbëtori im Moisiu:

ai është njeriu i besimit në mbarë bashkësinë time!

⁸ Sepse unë bisedoj goja ‑ gojas me të,

dhe ai e sheh Zotin zbuluetas

e jo me fjalë të fshehta e me figura.

Përse atëherë nuk patët frikë t’i shpifeni

shërbëtorit tim Moisiut”?

⁹ Hidhërimi i Zotit u ndez kundër tyre dhe Ai shkoi. ¹⁰ Edhe reja që ishte përmbi Tendën u tërhoq, kur ja, Maria u pa se ishte zbardhuar prej gërbulës e bë e bardhë si bora.

Kur e shikoi atë Aroni e pa se e kishte mbuluar gërbula, ¹¹ i tha Moisiut: “Po të lutem, Imzot, mos na ngarko me rrjedhimet e këtij mëkati që e bëmë marrëzisht. ¹² Mos lejo që ajo të mbesë porsi fëmija i vdekur, mishi i të cilit është gjysmë i kalbur ndërsa del prej kraharorit të s’ëmës. A po sheh se gati më tepër se gjysmën e mishit të saj ia ka brenjtur gërbula”.

Moisiu ndërmjetëson për Marinë

¹³ Atëherë Moisiu klithi drejt Zotit e i tha:

“O Hyj, po të lutem, shëroje”!

¹⁴ E Zoti iu përgjigj:

“Po ta kishte pështyer i ati në fytyrë, a thua nuk do t’i ishte dashur të paktën shtatë ditë të qëndrojë e mbuluar prej turpit? Le të ndahet për shtatë ditë jashtë zemërimiës e pastaj le të kthehet”.

¹⁵ Kështu, pra, Maria qe hedhur jashtë zemërimiës për shtatë ditë, dhe populli nuk bëri çojë prej atij vendi derisa Maria s’qe thirrur të kthehet përsëri në zemërimië.

¹⁶ Atëherë populli çoi prej Haserotit dhe i nguli tendat në shkretëtirën Faran.

Kapitujt