Kapitujt

Ligji i Përtërirë: 13. Kundër ngashënjimeve ndaj idhujtarisë

¹Gjithçka ju urdhëroj, ruani e zbatoni; as mos shto gjë, as mos mungo”!

 Kundër ngashënjimeve ndaj idhujtarisë

 ²“Po edhe sikur të ngrihet në mesin tënd ndonjë profet ose ndonjë ëndërrtar dhe të shtron një shenjë ose një mrekulli, ³ dhe sikur ajo shenjë ose mrekulli e parashtruar, të vërtëtohet, por ai të thotë: ‘Të ndjekim të tjerë zota ‑ që ti nuk i ke njohur ‑ e t’u shërbejmë atyre’, ⁴ mos i dëgjo fjalët e atij profeti ose ëndërrtari, sepse Zoti, Hyji juaj, ju vë në provë, për të ditur a e doni apo nuk e doni atë me gjithë zemër e me gjithë shpirt. ⁵ Ndiqni Zotin, Hyjin tuaj, druani atë, mbani urdhërimet e tija, dëgjojeni zërin e tij, shërbejini atij e qëndroni të lidhur ngushtë me të! ⁶ Kurse ai profet dhe ai ëndërrtar i rremë, le të vritet, sepse ka folur me qëllim që t’ju largojë prej Zotit, Hyjit tuaj, i cili ju nxori nga toka e Egjiptit e të shpërbleu prej shtëpisë së skllavërisë; deshi të të bëjë ta lësh rrugën që ta ka urdhëruar Zoti, Hyji yt. Zhduke të keqen prej mesit tënd!

 ⁷Nëse do ta mbushë mendjen yt vëlla, biri i nënës sate, ose biri yt, ose bija jote, ose gruaja që e përaqafon, ose miku që e do si jetën tënde, e fshehtazi të thotë: ‘Eja t’u shërbejmë zotave të huaj’, të cilët nuk i njohe ti as etërit e tu, ⁸ hyjnive të popujve të afërt ose të largët që ju rrethojnë prej njërit në skajin tjetër të vendit ‑ ⁹ mos prano, mos dëgjo, as të mos e falë syri yt që të kesh mëshirë e ta mbash fshehtë, ¹⁰ por vritie! Së pari le të lartësohet dora jote për ta vrarë e pastaj le ta lartësojë dorën e vet mbarë populli: ¹¹ lë të vritet me gurë, sepse deshi të të largojë prej Zotit, Hyjit tënd, që të nxori nga toka e Egjiptit, prej shtëpisë së skllavërisë, ¹² që, kur të dëgjojë mbarë Izraeli, të ketë frikë, që të mos gjendet më ndokush në mesin tënd që ta bëjë një gjë të tillë.

 ¹³

Në qoftë se në ndonjë ndër qytetet që Zoti, Hyji yt, do të t’i japë për të banuar në to, dëgjon se thonë disa: 

Kapitujt