Kapitujt

Osea: 3. Ozeja e rimerr gruan e pabesë dhe e sprovon. Shtjellimi i simbolit

¹ Zoti më tha edhe: “Shko e duaje përsëri gruan që ka mik e është kurorëshkelëse, sikurse edhe Zoti i do bijtë e Izraelit, ndërsa ata u sillen hyjnive të huaja e u pëlqejnë kuleçtë e rrushit.”

² Unë e bleva për pesëmbëdhjetë pare argjendi e për një masë e gjysmë elbi. ³ I thashë: “Do të më presësh për shumë ditë pa u lavirësuar e pa iu dhënë asnjë njeriu; po as vetë nuk do të të afrohem.”

⁴ Sepse edhe bijtë e Izraelit do të rrinë shumë ditë pa mbret, pa princ, pa fli, pa gurngulur, pa efod e pa terafim. ⁵ Pastaj do të kthehen bijtë e Izraelit e do ta kërkojnë Zotin, Hyjin e vet, e Davidin, mbretin e vet. Me frikë do t’i afrohen Zotit dhe të mirave të tij në mbarimin e ditëve.

Kapitujt