Kapitujt

Jona: 2. Jona i shpëtuar

¹ Zoti kishte bërë gati një peshk të madh për ta përpirë Jonën. Jona qëndroi në barkun e peshkut tri ditë e tri net. ² Nga barku i peshkut Jona iu lut Zotit, Hyjit të vet, ³ e tha:

“Në ngushticën time e thirra në ndihmë Zotin

e ai më vështroi;

thirra në ndihmë nga gjiri i Nëntokës

e ma dëgjove britmën time.

⁴ Më flake në humnerë, në zemrën e detit,

e më rrethuan rrjedhat,

të gjitha rrymat e valët e tua

kaluan përmbi mua.

⁵ Mendja më thoshte: ‘Jam i flakur

larg syve të tu.

E, pra, prapë do ta kundroj

Tempullin tënd të shenjtë.

⁶ Më rrethuan ujërat deri në grykë,

më mbështolli humnera,

zunkthi u lidh rreth kresë sime!

⁷ Mbërrita deri në rrënjët e maleve,

shulat e tokës u mbyllën

pas meje për amshim,

por ti e nxore prej gropës jetën time,

o Zot, Hyji im!

⁸ Po atëherë kur në mua shpirti im u

ngushtua,

mendja vetiu më shkoi te Zoti,

lutja ime mbërriti te ti,

në Tempullin tënd të shenjtë.

⁹ Ata që adhurojnë idhuj të kotë,

vetvetes ia humbin hirin.

¹⁰ E unë me këngë lavdi

Ty do të t’kushtoj fli,

në vend do ta çoj kushtin që kam bërë.

Shëlbimi vjen prej Zotit.”

¹¹ Zoti e urdhëron peshkun, .

Kapitujt