Kapitujt

Joeli: 3. Ndikimi i shpirtit

¹ E pas këtyre:

Do ta ndikoj Shpirtin tim

mbi çdo njeri

e do të bëhen profetë bijtë e bijat tuaja,

pleqtë tuaj ëndrra do të shohin,

djelmoshat tuaj do të kenë vegime.

² Madje edhe mbi skllevër të mi ‑ burra e gra,

në ato ditë do ta ndikoj Shpirtin tim.

³ Do të bëj shenja të bindshme në qiell e në tokë:

gjak e zjarr e shtylla tymi!

⁴ Dielli do të kthehet në terr

e hëna në gjak

para se të vijë dita e Zotit

e madhe dhe e tmerrshme!

⁵ Do të ndodhë:

Gjithkush që ta thërrasë emrin e Zotit

do të shëlbohet,

sepse shpëtimi do të jetë

në Malin Sion e në Jerusalem

‑ sikurse tha Zotynë ‑

e ndër të mbeturit gjallë ata

që Zoti t’i thërrasë.

Kapitujt