Kapitujt

Jozuehu: 19. Fisi i Simonit

¹ Shorti i dytë u ra bijve të Simonit sipas vëllazërive të tyre. Prona e tyre ² ishte në mes të bijve të Judës. Ishte: Bersabeja, Samaja, Molada, ³ Hasersuali, Bela, Asemi, ⁴ Eltoladi, Betuli, Horma, ⁵ Sicelegu, Betmarkaboti, Asersuza, ⁶ Betlebaoti e Saroheni: trembëdhjetë qytete me fshatrat e tyre.

⁷ Aini, Remoni, Atari e Asani: katër qytete me fshatrat e tyre. ⁸ Përfshiheshin edhe të gjitha fshatrat rreth këtyre qyteteve deri në Baalatbeer, në Ramatnageb.

Kjo është prona e bijve të Simonit sipas vëllazërive të tyre.

⁹ Pjesa e bijve të Simonit u mor nga pjesa e bijve të Judës, sepse pjesa, ndarë bijve të Judës, ishte tepër e madhe për ta. Këndej edhe bijtë e Simonit e morën pjesën e pronës së vet në mes të pronës së tyre.

Fisi i Zabulonit

¹⁰ Shorti i tretë ra mbi bijtë e Zabulonit sipas vëllazërive të tyre: kufiri i pronës së tyre shtrihej deri në Sarid. ¹¹ Prej këndej në perëndim kufiri shkonte deri në Meralë e mbërrinte në Debaset deri në përruan që është përballë Jeknaamit. ¹² Pastaj kthehet prej Saridit në lindje në kufi të Cezeletaborit, del në Daberet e ngjitet përballë Jafies. ¹³ Prej andej kalon deri në krahun e lindjes të Geteferit, Etakasinit e del në Remon dhe zbret në Noa. ¹⁴ Pastaj bën lak në veri tek Hanatoni. Mbaron në luginën Jeftahel. ¹⁵ Përfshinte edhe Katetin, Naalolin, Semronin, Jedalën e Betlehemin: dymbëdhjetë qytete me fshatrat e tyre.

¹⁶ Ky është trashëgimi i fisit të bijve të Zabulonit sipas vëllazërive të tij, qytete e fshatra të tyre.

Fisi i Isaharit

¹⁷ Shorti i katërt i ra Isaharit sipas vëllazërive të tija. ¹⁸ Trashëgimi i tij qe: Jezraeli, Kasaloti, Sunemi, ¹⁹ Hafaraimi, Seoni, Anaharati, ²⁰ Rabiti, Cesioni, Abesi, ²¹ Rameti, Enganimi, Enhada, Betfezezi. ²² Pastaj kufiri prek Taborin, Sehesimën, Betsamesin dhe përfundon në Jordan. Gjashtëmbëdhjetë qytete me fshatrat e tyre.

²³ Kjo është prona e bijve të Isaharit sipas vëllazërive të tija, qytetet e fshatrat e tij.

Fisi i Aserit

²⁴ Shorti i pestë i ra fisit të bijve të Aserit sipas vëllazërive të tija. ²⁵ Kufiri i tyre ishte: Halkati, Kaliu, Beteni, Aksafi, ²⁶ Elmeleku, Amaadi, Mesali dhe arrinte deri në Karmel në perëndim dhe në Sihorlabanat. ²⁷ Atëherë kthehej në drejtim të lindjes në Betdagon dhe shkonte deri te Zabuloni në luginën Jeftael në veri në Betemek e në Nejel. I arrinte Kabulit në krahun e majtë, ²⁸ në drejtim të Abranit, Rohobit, Hamonit e të Kanës deri në Sidonin e Madh. ²⁹ Atëherë kthehej në Ramë deri te qyteti tejet i fortifikuar, që është Tiri. Pastaj kthehej në Hosë, e merrte fund në det. Përfshinte Mahalebin, Akzibën, ³⁰ Amën, Afekun, e Rohobin: njëzet e dy qytete me fshatrat e tyre.

³¹ Kjo është prona e bijve të Aserit sipas vëllazërive të tyre: qytetet me fshatrat e tyre.

Fisi i Neftaliut

³² Shorti i gjashtë ra mbi bijtë e Neftaliut sipas vëllazërive të tyre. ³³ Kufiri i tyre fillon prej Helefit e prej Qarrit Saananim e prej Adaminecebit, Jebnaelit deri në Lekum dhe shkon e mbaron në Jordan. ³⁴ Atëherë kufiri kthen drejt perëndimit në Aznotabor e prej këndej shkon në Hukokë dhe në jug përpiqet me Zabulonin, kurse në perëndim me Aserin, në lindje del në Jordan. ³⁵ Qytetet e fortifikuara ishin: Asedimi, Seri, Amati, Rekati, Kenereti, ³⁶ Edema, Rama, Asori, ³⁷ Cedesi, Edrai, Enasori, ³⁸ Jeroni, Magdaleli, Horemi, Betanati e Betsamesi: nëntëmbëdhjetë qytete me fshatrat e tyre.

³⁹ Kjo është prona e fisit të bijve të Neftaliut sipas vëllazërive të tyre: qytetet me fshatrat e tyre.

Fisi i Danit

⁴⁰ Shorti i shtatë i ra fisit të bijve të Danit sipas vëllazërive të tyre. ⁴¹ Kufiri i pronës së tyre ishte: Saraja, Estaoli, Hirsemesi /d. m. th. Qyteti i Diellit/, ⁴² Selebini, Ajaloni, Jetela, ⁴³ Eloni, Temna, Akroni, ⁴⁴ Eltecja, Gebetoni, Baalati, ⁴⁵ Judi, Benebaraku, Getremoni, ⁴⁶ Mejarkoni, Arekoni me krahinën në anën e Jopës.

⁴⁷ Por kufiri i bijve të Danit u shty prej tyre. Bijtë e Danit u ngjitën dhe luftuan kundër Lesemit dhe e pushtuan. Njerëzit i prenë me teh të shpatës, ua morën vendin e banuan në të dhe e quajtën Lesemdan, në emër të Danit, babait të vet.

⁴⁸ Kjo është prona e bijve të Danit sipas vëllazërive të tyre: qytetet me fshatrat e tyre.

⁴⁹ Pasi e kryen së ndari tokën me short për secilin fis, bijtë e Izraelit ia dhanë në mesin e tyre pronën Jozuehut, birit të Nunit. ⁵⁰ Sipas urdhrit të Zotit i dhanë qytetin që ai e kërkoi: Tamnatsaranë në bjeshkët e Efraimit.

Jozuehu ndërtoi qytetin dhe nguli në të.

⁵¹ Këto janë pronat që më short i ndanë Eleazari prift, Jozuehu, biri i Nunit, dhe prijësit e vëllazërive të fiseve të bijve të Izraelit në Silo, në praninë e Zotit, te dera e Tendës së Takimit.

Kështu i dhanë fund ndarjes së vendit.

Kapitujt